Израелските пратеници гласаат за распуштање на Парламентот

Од:

Израелските пратеници денеска почнаа со процесот на гласање за распуштање на Парламентот, Кнесетот, со што ќе овозможи закажување на трети избори за помалку од една година.

Парламентот го усвои прелиминарниот документ за распуштање пред да истече рокот вечерва на полноќ.

Ќе се гласа трипати и доколку биде конечно усвоен тој предлог закон, изборите ќе бидат закажани за 2 март 2020 година.

Оваа година парламентарни избори во Израел се одржаа во април и септември, но на нив немаше јасен победник и не е формирана нова влада.

По септемвриските избори, ниту израелскиот премиер Бенјамин Нетанјаху, ниту неговиот главен политички противник Бени Ганц немале неопходно мнозинство, односно најмалку 61 од вкупно 120 пратеника во Парламентот.

Како единствен излез се чинеше влада на национално единство, но тие не можеа да се договорат во рокот од три недели.

И Нетанјаху и Ганц упорно тврдат дека работат на наоѓање излез од политичката криза, која долго време трае, и да се избегнат трети избори за помалку од една година, меѓутоа моментно изгледа дека тоа е невозможно.

Би можело да ве интересира

Израел ги засилува безбедносните мерки пред објавата на мировниот план за Блискиот исток

Ана Ололовска

Медиуми: Мировниот план за Блискиот Исток им нуди на Палестинците условен суверенитет

Ана Ололовска

Бени Ганц го пофали планот на Трамп, најави придонес за остварување

Ана Ололовска

Нетанјаху го повлече барањето за имунитет од судско гонење

Ана Ололовска

Подготвен е планот на Трамп за израелско-палестинскиот мировен процес

Драган Поповски

Трамп на Нетанајху и Ганц им го изложува мировниот план за Блискиот Исток

Ана Ололовска