Израелски авиони пукаа врз 15 цели во Појасот Газа

Од:

Израелската војска изврши серија воздушни напади рано утринава врз цели во Појасот Газа, неколку часа откако беа истрелани две ракети од таа палестинска територија кон јужните израелски градови Ашкелон и Ашдод, каде израелскиот премиер Бенјамин Нетнјаху одржуваше предизборни митинзи.

Борбени авиони погодиле 15 цели низ Појасот Газа „вклучувајќи повеќе цели во воена база каде се произведувало оружје, цели во поморски комплекс и терористички тунел што припаѓаат на терористичката организација Хамас“, пренесуваат израелски медиуми.

Војската соопшти дека смета дека Хамас, кој управува со Газа, е одговорен за ракетниот оган.

Палестински извори известија за жестоки напади и експлозии во Беит Лахија северно од градот Газа и Деир ел-Балаху во централниот дел на појасот, како и Кан Јунис на југ.

Нема извештаи за повредени.

Нападите следуваа откако Нетанјаху, кој истовремено е и министер за одбрана, се состана со воените команданти и началниците на Мосад и безбедносната служба Шин Бет во воениот штаб во Тел Авив.

Би можело да ве интересира

Протест на палестинските новинари – „Сите ние сме Муат“

Ана Ололовска

Израелски напад врз Хамас, погодени воен камп и поморска база

Ана Ололовска

Примирјето помеѓу Израел и Исламски џихад траеше само еден ден

Ана Ололовска

И покрај прекинот на огнот, нови напади врз Израел

Ана Ололовска

Утринава стапи во сила договор за прекин на огнот меѓу Израел и „Исламски џихад“

Ана Ололовска

„Исламски џихад“ одбива да запре со нападите

Ана Ололовска