Повеќе од десет Палестинци се повредени во напади на Израелците во текот на викендот за време на аџилак на евреите во градот Хеброн на Западниот Брег.
Палестинската Црвена полумесечина соопшти дека на повредените лица, меѓу кои и 18-месечно бебе, кое било погодено од камен кој бил фрлен низ прозор на семејниот дом во населбата Тел Румеида, им била укажана помош во локалните болници.
Дедото на бебето информира дека момчето е во болница и оти е во стабилна состојба.
Очевидци велат дека еврејските верници исто така нападнале палестински продавници во Стариот град во текот на денот, а израелските безбедносни сили кои ги чуваат еврејските аџии не интервенирале за да го запрат насилството.