Израел: Сите државни органи ќе ги знаат имињата на луѓето кои не се вакцинирале

Од:

Израелскиот Парламент денеска му одобри на Министерството за здравство да им ги открива имињата на луѓето кои не биле вакцинирани против коронавирусот на другите тела на власта во земјата, предизвикувајќи критики за нарушување на приватноста на граѓаните кои не сакаат да се вакцинираат.

Законот, донесен со 30 гласа „за“ и 13 „против“, им дозволува на локалните власти, генералниот директор на Министерството за образование и на некои вработени во Министерството за социјални работи да ги дознаат имињата на овие лица, нивните адреси и телефонски броеви.

Одредбата, која ќе биде во сила три месеци или додека не заврши пандемијата, има за цел да им дозволи на властите да ги охрабрат луѓето да се вакцинираат обраќајќи им се лично, соопшти Парламентот.

Повеќе од три милиони луѓе во Израел веќе примиле две дози на вакцината на Фајзер и Бионтек, што е речиси една третина од околу девет милиони жители.

Затоа во неделата стапи во сила третото отворање од почетокот на пандемијата кога беа отворени трговски центри и улични продавници за сите граѓани.

Некои места сепак се отворени само за оние кои примиле и втора доза од вакцината или прележале Ковид-19 и имаат потврда за тоа.

Израелската Влада истакна дека целта е до април да се вакцинираат 6,2 милиони луѓе.

Од почетокот на пандемијата во Израел се регистрирани повеќе од 760.000 случаи на Ковид-19, а повеќе од 5.600 луѓе починале.

Би можело да ве интересира

Србија се поблиску до колективен имунитет, вакцинирани речиси три милиони граѓани

А1он

Бразил е во „вистински пекол“ со коронавирусот, алармира СЗО

Жарко Настоски

Унгарија: Светска и олимписка шампионка во стрелаштво почина од Ковид-19

Жарко Настоски

ЕУ ќе преговара за набавка на 1,8 милијарди дози анти-ковид вакцини од „втора генерација“

Жарко Настоски

Во Грција се предлага вакцината „АстраЗенека“ да се дава на лица над 30 години

Жарко Настоски

Тедрос: Има „шокантна нерамнотежа“ во распределбата на вакцините низ светот

Жарко Настоски