Израел прифати хуманитарен прекин на огнот, но Исламски џихад одби

Од:

Израел се согласи на хуманитарен прекин на огнот на предлог на Египет, но палестинската организација Исламски џихад ја одби понудата, објави израелската телевизија Канал 13.

dobivaj vesti na viber

Во извештајот се наведува дека е предложен прекин на воените дејствија во шест часот во понеделник или три часот во вторник.

Во меѓувреме, израелската телевизија Канал 12 објави дека анонимен израелски функционер потврдил дека се во тек контакти за воспоставување целосен прекин на огнот, исто така преку Египет.

Израелски извори за новинската страница „Вала“ изјавија дека Израел е загрижен дека влошената хуманитарна ситуација во Појасот Газа може да ја поттикне поголемата екстремистичка организација Хамас да се приклучи на борбите.

Досега, Хамас, кој владее со Газа, стоеше настрана од конфликтот што избувна во петокот кога израелската војска започна напади врз цели на Исламскиот џихад како одговор на, како што рече, конкретните закани од групата.

Израелските медиуми јавуваат дека прекинот на огнот ќе овозможи доставување на гориво за електраната до Појасот Газа.

Сега на таа територија има само четири часа струја дневно. Исламски џихад, наводно, отфрлил сличен предлог за прекин на огнот, изјавувајќи за ТВ Ал Мајадин, поврзана со либанскиот екстремистички Хезболах, дека „сега е време да се одговори на злосторствата на окупаторите“.

Извор: МИА

Би можело да ве интересира

Итен состанок на Советот за безбедност на ОН за ситуацијата во Газа

Ана Ололовска

Примирјето ја издржа ноќта, Палестинците објавија дека има над 40 жртви

Се зголемува бројот на жртвите во Газа – убиен е еден од водачите на Исламскиот џихад

Горан Наумовски

Израелскиот министер за одбрана дал наредба за продолжување на нападите врз „Исламски џихад“ во Појасот Газа

ВИДЕО: Почна војна, летнаа над 100 ракети

Израел продолжи со воздушните напади врз Појасот Газа