Израелските власти официјално почнаа вакцинација против Ковид-19 на Палестинци кои имаат дозвола за работа за населбите во Израел и Западниот брег.
За оваа намена се поставени станици за вакцинација на повеќе контролни пунктови.
Околу 100.000 Палестинци имаат работни дозволи за Израел. Многу од нив работат во градежништвото. Оние кои се подготвени да бидат вакцинирани можат да закажат термин преку нивните израелски работодавци.
На Западниот брег живеат околу четири милиони луѓе. Во областа досега имаше многу малку вакцинација, а нарачаните вакцини сè уште не стигнале.
Во Израел прва доза од вакцината досега примиле околу пет милиони луѓе, а околу 3,8 милиони ја примиле и втората доза од вакцината.