Израел и Либан постигнаа историски договор за заедничката поморска граница

Од:

Израел и Ливан, после повеќедецениските тензии, конечно се договорија за заедничката поморска граница во Средоземното Море, соопшти израелскиот премиер Јаир Лапид.

-Ова е историско достигнување што ќе ја зајакне безбедноста на Израел, ќе внесе милијарди во израелската економија и ќе обезбеди стабилност на нашата северна граница, рече Лапид.

Договорот утре ќе биде доставен на одобрување до неговиот Совет за безбедност и владата, пред да биде разгледан од парламентот, се наведува во соопштението на Лапид.

Либански Хезболах, моќното вооружено движење кое Израел го смета за свој главен непријател, даде зелено светло за договорот постигнат со посредство на САД за воспоставување на поморските граници на Либан со Израел, изјавија вчера двајца високи либански извори.

Висок либански владин функционер и функционер близок до Хезболах изјавија дека партијата се „согласила“ со условите од договорот и дека преговорите се „завршени“.

Двете земји со години наназад се расправаат за точната граница.

Конфликтот се засили по откривањето на наоѓалишта на природен гас во спорното подрачје.

Израел сака што поскоро да почне со производство на гас од гасното поле Кариш, дел од поморската област што и Израел и Либан ја сметаат за ексклузивна економска зона.

Извор: МИА

Би можело да ве интересира

Палестинците истрелаа ракети кон Израел, Израелците возвратија

А1он

Најмалку деветмина Палестинци убиени во акција на израелската армија во Џенин

А1он

Главниот обвинител на Либан нареди ослободување на притворените во истрагата за експлозијата во пристаништето во Бејрут

Ана Ололовска

Ираелските сили демолираа куќа на Палестинец осомничен за убиство на еврејка

А1он

Либанскиот државен обвинител обвинет во случајот со експлозијата во пристаништето во Бејрут

А1он

Израелската армија уби 14-годишен Палестинец за време на операција во бегалски камп

А1он