Неименуван израелски функционер денеска изјави дека палестински Хамас го отфрлил предлогот за договор за краткорочен прекин на огнот во војната во Газа и ослободување на заложниците.
„Ништо не се случува на теренот додека не ги дознаеме резултатите од изборите во САД“, рече израелскиот претставник.
Со оглед на тоа како функционира изборниот систем во САД и тесната трка меѓу Камала Харис и Доналд Трамп, се чини дека ќе биде потребно време, коментираат агенциите.
Истиот функционер ги потврди претходните вести во израелските медиуми дека владата на израелскиот премиер Бенјамин Нетанјаху на заложниците им нуди пари и безбеден премин во замена за нивно ослободување.
И покрај напорите за посредување на Египет, Катар и САД, никој не успеа да ги натера Хамас и Израел да се согласат за прекин на огнот и ослободување на заложниците од падот на последната пауза во борбите на крајот на минатата година.