Во израелски воздушен напад насочен кон област во близина на сириската престолнина Дамаск, загинаa двајца цивили, а e забележана „одредена материјална штета“, јавија денеска сириските државни медиуми, повикувајќи се на воен извор.
Сириската противвоздушна одбрана пресретна ракети лансирани од Израел во 00:15 часот од Голанската висорамнина и „собори повеќето од нив“, додаде изворот.
Израелската војска одби да коментира. Израел со години извршува напади врз, како што вели, цели поврзани со Иран во Сирија, каде што влијанието на Техеран се зголеми поради поддршката на Иран за претседателот Башар ал Асад во граѓанската војна што започна во 2011 година.