Европратениците на пленарна седница го отфрлија клучниот текст за реформата на европскиот пазар на јаглерод, која Зелените и левицата ја оценија недоволно амбициозна, што ќе доведе до повторно преговарање за овој столб од климатскиот план на ЕУ во парламентарната комисија, јави дописникот на МИА.
Овој текст, кој предвидува проширување на пазарот за тргување со квоти за емисија на CO2, но и укинување на слободните квоти за европските индустријалци во замена за данок на јаглерод на границите на ЕУ, беше отфрлен на општо изненадување со 340 гласа против (265 за, 34 воздржани), Зелените и левите европратеници ги осудуваат предлозите на ЕНП (десница) и Ренесанса (центристи и либерали) за агендата и целите.
Извор: МИА