Итен состанок на Советот за безбедност на ОН за ситуацијата во Газа

Од:

Советот за безбедност на ОН синоќа одржа итен состанок за да разговара за ситуацијата во Газа, при што неколку членки изразија загриженост за ситуацијата и покрај прекинот на огнот меѓу милитантите на Исламски џихад и Израел по тридневните смртоносни престрелки.

dobivaj vesti na viber

Претставникот на ОН за Блискиот Исток, Тор Венесланд, преку видео-врска пред почетокот на состанокот предупреди дека „примирјето е кревко“, како и дека продолжувањето на непријателствата ќе има „погубни“ последици.

Рускиот амбасадор Васил Небензија истакна дека Советот е „длабоко загрижен од ваквиот развој на настаните, кој може да доведе до целосен воен конфликт и дополнително влошување на и онака тешката хуманитарна ситуација во Газа“.

Израел во петокот почна интензивни напади врз позициите на Исламскиот џихад во Газа, на што милитантите одговорија со истрелување повеќе од илјада ракети во знак на одмазда, според израелската војска.

Тоа е најтешкиот конфликт во Газа од 11-дневната војна од минатата година.

Примирјето договорено во неделата со посредство на Египет стави крај на интензивните судири во кои, според Министерството за здравство на Газа, биле убиени 44 лица, а ранети 360 лица во енклавата.

Извор: МИА

Би можело да ве интересира

Голем пресврт: Израелскиот премиер ја поддржа идејата за палестинска држава

Судири на Западниот Брег

А1он

Палестинци запалија гуми во Газа: Со протести бараат компензација поради војната во 2014 година

А1он

Млад Палестинец убиен на Западниот Брег

Ана Ололовска

Во судири на Западниот Брег убиени двајца Палестинци и израелски офицер

Ана Ололовска

Шестмина повредени при напад врз автобус во Западен Брег

Ана Ололовска