Италијанската влада ќе ја продолжи вонредна состојба во земјата до крајот на октомври

Од:

Италијанскиот премиер, Џузепе Конте, му предложи на парламентот да ја продолжи вонредната состојба до крајот на октомври поради епидемијата на коронавирусот.

И министерот за здравство Роберто Сперанза денеска најави дека следното продолжување на вонредната состојба ќе трае до 31 октомври.

На 31 јануари, по појавувањето на првите случаи на инфекција во земјата, кабинетот донесе декрет, со кој се воведе вонредна состојба во траење од 6 месеци.

Според Конте, продолжувањето на мерките е неопходно, пред сè, поради фактот, што, според медицинските лица, вирусот продолжува да циркулира во земјата. Меѓународната состојба е исто така загрижувачка како онаа што се случува во моментот кај некои од италијанските соседи, истакна тој.

Во исто време премиерот нема намера да ја „драматизира ситуацијата или да поттикне неоправдан страв кај населението“. Тој појасни дека, без продолжување на вонредната сосотјба, ќе биде невозможно да се ограничи ширењето на коронавирусот.

Италијанската опозиција се противи на новите мерки за продолжување на вонредната состојба со образложение дека владата носи одлуки без потреба од парламентарно одобрување и консултација со опозицијата.

Би можело да ве интересира

Конте: Владата не предвидува целосен карантин, можно е воведување „црвени зони“

Ана Ололовска

Германскиот министер за надворешни работи Хајко Мас во карантин откако се заразил еден од неговите телохранители

Горјан Грнчаровски

По изборите и референдумот зајакната Владата во Италија

Ана Ололовска

Австрија купува 18 италијански хеликоптери

Ана Ололовска

„Си воч“: Блокадата на бродот е политички мотивирана

Ана Ололовска

Во Италија регионални избори и референдум за намалување на бројот на пратеници

Ана Ололовска