Група на млади жени, облечени во венчаници, денеска протестираа во Рим против рестриктивните мерки со кои се забрануваат големите верски собири, како што се свадбите и други свечености пренесува американската телевизија „Си-Ен-Ен“.
Протестот го организираше италијанското здружение за венчавки, а во него се вклучија околу 15 жени. Тие се собраа околу познатата „Фонтана Ди Треви“ каде позираа во венчаници и носеа транспаренти на кои беа напишани пароли, како „Свадба без ограничување“. Групата се појави и пред италијанскиот Парламент, каде им се придружија и луѓето кои се вклучени во организирањето свадби.
Франческа Дел Векио од Неапол за „Си-Ен-Ен“ изјави дека требало да се мажи во септември, но дека поради рестриктивните мерки морала да ја одложи свадбата за најмалку една година. Таа додаде дека датумот на свадбата и не е голем проблем, туку сака, како што кажа, да се омажи без ограничувања од Владата.