Италија поддржува Европска здравствена унија

Од:

Италија би сакала да види многу посилна соработка во Европската унија во областа на здравствената политика, а плановите на европскиот блок за „Европска здравствена унија“ се чекор во вистинската насока, изјави денеска италијанскиот министер за здравство Роберто Сперанца.

– Ни треба подобра координација во Европа, со повеќе европски решенија и државите мора да се осмелат да се откажат од дел од својот суверенитет по ова прашање. Тоа е една од лекциите од ова време, рече Сперанца.

Европското тело за подготвеност и одговор при итни случаи (ХЕРА), основано од Европската комисија, почна да функционира во септември и се очекува целосно да биде оперативно на почетокот на 2022 година.

Сперанца смета дека членките на ЕУ треба да бидат отворени за нови проекти со цел ХЕРА да се покаже успешна.

– Мислам дека ни треба храброст во таа насока, додаде тој.

Германскиот министер за здравство Јенс Шпан начелно ја поддржува идејата на Европската комисија, но смета дека главниот збор треба да го имаат земјите-членки.

Идејата е во иднина ХЕРА да биде способна да идентификува претстојни здравствени кризи и брзо да реагира на нив низ целата Унија.

Би можело да ве интересира

Италијанската десница излезе со тројца кандидати за иден шеф на државата

А1он

Италијанските пратеници го почнаа вториот круг од изборот на нов претседател на републиката

А1он

Нови препораки за патување во земјите од ЕУ во текот на пандемијата

А1он

Италијанските пратеници не избраа претседател на државата во првиот круг од гласањето

Ана Ололовска

Берлускони хоспитализиран во Милано

Ана Ололовска

Берлускони нема да се кандидира за претседател на Италија

Ана Ололовска