Истражувачи: Стабилизаторот на авионот кој се урна во Етиопија во чудна состојба

Од:

Пронајдениот дел од стабилизаторот на урнатиот авион на „Етиопиан ерлајнс“ во Етиопија бил во слична чудна положба како и кај авионот на компанијата „Лајон ер“, кој се урна минатата година, соопштија денеска истражувачите.

Етиопскиот тим истражувачи пристигна во Париз каде моментално се прегледуваат црните кутии.

Позицијата на стабилизаторот, кој ја движи хоризонталната опашка на авионот ќе помогне да се утврди дали авионот при полетувањето неконтролирано го движел „носот“ кон земјата.

Во последните шест месеци се урнаа два авиона од типот Боинг 737 Макс 8.

Во несреќата од 10 март, кога се урна авионот на „Етиопиан ерлајнс“ загинаа 157 патници и членови на екипажот, а во несреќата над Јаванското Море, кога се урна Боинг 737 Макс 8 на авиокомпанијата „Лајон“ загинаа 189 лица.

Авиокомпании ширум светот ги приземјија авионите од типот Боинг 737 Макс 8, додека не се откријат причините за падот на авионот.

Би можело да ве интересира

На седум милиони жители на Етиопија им е неопходна помош во храна

Ана Ололовска

Најмалку 10 луѓе загинаа за врема на верска прослава во Етиопија

Ана Ололовска

ВИДЕО: Етиопија со помош на Кина го лансираше својот прв сателит

Ахмед: Воениот пекол ја зацврсти мојата желба за мир

Индонезискиот авион во 2018. се урнал поради низа проблеми, Боинг најави мерки

Ана Ололовска

Боинг исплаќа отштета за жртвите од несреќите

Ана Ололовска