Исламска држава повторно нападна на северот на Ирак – убиени петмина курдски борци

Од:

Во бомбашки напад на Исламската држава (ИД) на пат во северен Ирак загинаа пет припадници на курдските сили, додека четворица се ранети, јавија американските медиуми.

Курдските борци Пешмерга синоќа се убиени во северниот ирачки округ Гармијан, што е под контрола на Курдите, а екстремистите на ИД по експлозијата ги нападнаа и позициите на Пешмерга и ранија уште четворица нивни борци, се наведува во извештајот на американските медиуми.

Нападите врз ирачките безбедносни сили и курдските Пешмерга се чести и во пораст откако ИД беше поразена на бојното поле во 2017 година.

Екстремистичките фракции и терористичките ќелии се уште се активни во многу области, особено на северните територии на Ирак, кои се оспорени од ирачката влада и властите на полуавтономната регионална влада на Курдистан.

Екстремистите на Исламската држава, сунитски муслимански екстремистички организации, продолжуваат да спроведуваат вооружени акции, често насочени кон безбедносните сили, електричните централи и други инфраструктурни објекти.

Би можело да ве интересира

ИСИС-К планира уште еден терористички напад во следните шест месеци

Исламската држава ја презеде одговорноста за експлозиите во Пакистан

Ирачкиот премиер прогласи тридневна жалост за жртвите од американските воздушни напади

Турција уапси 34 лица поврзани со Исламската држава

(ВИДЕО) САД извршија одмазднички напади во Ирак и Сирија

Нападната американска база во Ирак, има и повредени

А1он