Џихадистичката организација Исламска држава бара откуп во висина од 6,6 милиони долари за ослободување на 26-годишната американска хуманитарка, која е киднапирана минатата година во Сирија, како и за ослободување на една муслиманка од американски затвор, јави телевизијата АБЦ.
Киднапираната жена, чие семејство побара да не се открива нејзиниот идентитет од безбедбносни причини, е трета од најмалку четворица киднапирани Американци од страна на ИД.
Исламска држава бара и ослободување на Афије Сидикви, која во 2010 година е осудена за планирање на напад врз американски претставници во Авганистан. Нејзиното семејство упорно се обидува да се дистанцира од ИД.