Иранскиот претседател бесен: Ги обвини САД за „дивјаштво“ поради новите економски санкции

Од:

Иранскиот претседател Хасан Рохани денеска ги обвини САД за „дивјаштво“ откако Вашингтон неделава на Техеран му воведе нови економски санкции.

-Американците на Иран му предизвикаа штета што се мери со десетици милиони долари, рече Рохани во обраќањето пренесувано од иранската национална телевизија.

Британските медиуми пренесуваат дека со глас што се тресел од лутина Рохани кажа дека станува збор за дивјаштво од невидени размери и сонародниците ги повика своите „клетви и омраза“ да ги насочат кон Белата куќа.

САД во четвртокот на својата „црна листа“ ставија уште неколку ирански официјални претставници и субјекти заради наводните тешки прекршувања на човековите права во Иран, во кои Вашингтон го вброи и судскиот процес против еден ирански борач, кој беше осуден на смрт, а потоа и погубен.

Претходно, во понеделникот на црната листа се најдоа и иранското Министерство за одбрана и други актери вклучени во иранската нуклеарна програма и програмата за развој на вооружувањето.

Би можело да ве интересира

Ебрахим Раиси е новиот претседател на Иран

Катерина Павлова-Николовска

ВИДЕО: Американски моторџија скокна во смрт, вежбајќи за да сруши светски рекорд

Жарко Настоски

Претседателски избори во Иран

Ана Ололовска

Бајден потпиша закон со кој 19 јуни се прогласува за национален празник по повод крај на ропството во САД

Ана Ололовска

Претставничкиот дом на американскиот Конгрес поддржа укинување на законот за употреба на воена сила од 2002 година

Ана Ололовска

Врховниот суд на САД третпат ja отфрли иницијативата да се укине здравственото осигурување воведено од Обама

Жарко Настоски