Иранската војска планира воена вежба долж границата со Ирак, јави иранската новинска агенција ИСНА.
Воениот командант, генералот Саид Араблу рече дека тродневната специфична вежба ќе започне во понеделник и дека во неа ќе учествуваат воздухопловните и копнените сили.
Целта на вежбата е подигнување на способноста на иранските сили на повисоко ниво, рече Араблу, без да даде други детали.
Иран редовно спроведува воени вежби за да се позиционира себе како регионална сила.
Ирак и Иран од 1980-тата водеа осумгодишна војна, во која според проценките на двете страни загинаа милион луѓе.