Иран „секогаш ги поздравува“ разговорите со Саудиска Арабија

Од:

Иран соопшти дека „секогаш ги поздравува“ разговорите со регионалниот непријател Саудиска Арабија. Сепак, Исламската република ниту ги потврди ниту ги демантираше извештаите на медиумите дека двете земји одржале тајни разговори на почетокот на овој месец.

Техеран и Ријад се на спротивните страни во регионалните конфликти во Сирија и Јемен. Монархијата ги прекина дипломатските односи со Исламската Република во 2016 година.

„Фајненшл тајмс“ објави дека високи функционери од двете земји одржале тајни разговори во Багдад на 9 април за воспоставување на односите. Цитираните извори најавија дека наскоро ќе одржат нова рунда преговори.

„Ги гледаме и овие публикации во медиумите. Се разбира, различни цитати се публикувани во овие често контрадикторни написи, рече портпаролот на иранското Министерство за надворешни работи.

Тој додаде дека Иран не коментира „контрадикторни медиумски информации“.

„Она што е важно е дека Иран секогаш ги поздравува разговорите со Кралството Саудиска Арабија и ги смета за корисни за народите на двете земји и за регионалниот мир и стабилност“, рече портпаролот.

Тој додаде дека „ова размислување ќе продолжи“.

Би можело да ве интересира

Саудиска Арабија ќе организира аџилак во Мека оваа година

Напредок во индиректните преговори меѓу САД и Иран

Ана Ололовска

Иран и Саудиска Арабија ги затоплуваат односите

Ана Ололовска

ВИДЕО: Катастрофални поплави во Саудиска Арабија, буицата носеше коли низ Мека

Жарко Настоски

Во водите на Црвено море нападнат саудиски танкер со нафта

Ана Ололовска

Аракчи: Разговорите во Виена напредуваат, но Иран може да ги прекине во секое време

Ана Ололовска