Иран преговара за прекин на огнот во Нагорно-Карабах, во тек се постојани контакти со Русија

Од:

Иран денеска соопшти дека работи на постигнување примирје во кавкаскиот регион Нагорно-Карабах и дека е во постојан контакт со двете завојувани страни, како и со Руската Федерација.

Повикувајќи се на портпаролот на иранското Министерство за надворешни работи, Сајет Катибзадех, изјави дека прашањето за Нагорно-Карабах е разгледано во телефонски разговор меѓу двајцата министри за надворешни работи на Иран и на Русија, Мухамед Џавед Зариф и Сергеј Лавров.

-Исламската Република Иран е во тесен контакт со завојуваните страни и внимателно го следи развојот на настаните на нејзините граници, изјави Катибзадех, пренесе агенцијата ИНСА.

Според извештаите на проерменските медиуми, врз главниот град самопрогласената држава Нагорно-Карабах, Степанакерт, денеска бил цел на нов напад.

-Азербејџанската армија отвори оган околу 6.30 часот. Кон градот беа извршени четири големи артилериски напади, соопшти Министерството за надворешни работи-НКР.

Според податоците на НКР, од почетокот на конфликтот, на 27 септември, до вчера се убиени 18 цивили во Степанакерт, Хадрут, Мартуни и Мартакерт, додека според истиот извор биле ранети 80 лица.

Оттаму, исто така, се наведува дека азербејџанската страна се подготвува за нова офанзива.

Би можело да ве интересира

Трилатерална средба во Берлин за иранската нуклеарна програма

Ана Ололовска

Уште 188 руски војници испратени во Ерменија

Жарко Настоски

ВИДЕО: Азербејџански војник демолира куќа што ја напуштиле Ерменци

Жарко Настоски

ВИДЕО: Нови гневни протести во Ереван, уапсени десетици граѓани

Жарко Настоски

Од Ерменија во Нагорно Карабах се вратиле 4.400 лица

Ана Ололовска

Ерменскиот министер за одбрана поднесе оставка

Ана Ололовска