Иран: И да не бомбардираат, не се откажуваме од нашите цели

Од:

Иранскиот претседател Хасан Рохани денеска изјави дека Техеран нема да попушти под притисокот на САД и нема да се откаже од своите цели, дури и ако Иран биде бомбардиран.

Тој изјавата ја даде за време на церемонијата во спомен на иранско-ирачката војна во 80-тите на минатиот век.

-Ние мораме да се спротивставиме, а нашите непријатели треба да знаат дека и кога ќе ја бомбардираат нашата земја, и кога нашите деца ќе бидат убивани, ранети или уапсени, ние нема да се откажеме од нашите цели, независноста на нашата земја и нашата гордост, истакна иранскиот претседател.

Тензиите меѓу Иран и САД се заострени веќе неколку недели, а иранскиот врховен лидер, ајатолахот Али Хамнеи, вчера ги критикуваше претседателот Хасан Рохани и министерот за надворешни работи Мохамад Џавад Зариф дека тие не го спровеле договорот за нуклеарната програма така како што тој сакал.

Али Хамнеи првпат ги критикува државните функционери сред тензиите меѓу Техеран и Вашингтон.

Ајатолахот го има последниот збор во носењето одлуки, а неговите изјави укажуваат на внатрешен притисок со кој Рохани и Зариф се соочуваат поради тензиите меѓу Иран и САД.

Би можело да ве интересира

Најстариот американски ветеран од Втората светска војна го прослави 110-от роденден

Ана Ололовска

Иран демантира дека стои зад нападите на нафтените постројки во Саудиска Арабија

Ана Ололовска

Генерал Хаџизадех: Американските бази и носачи на авиони се во досегот на иранските ракети

Ана Ололовска

Трамп и Нетанјаху разговараа за договор за взаемна одбрана

Ана Ололовска

Помпео го обвини Иран за нападите со дронови во Саудиска Арабија

Ана Ололовска

САД официјално ја потврдија ликвидацијата на синот на Осама бин Ладен