Иран го надмина лимитот за збогатување ураниум

Од:

Иран збогати 370 килограми ураниум на ниво од 4,5 отсто, што претставува кршење на ограничувањата од нуклеарниот договор од 2015 година, склучен со светските сили, изјави портпаролот на иранската нуклеарна агенција Бехроз Камалванди.

Според нуклеарниот договор од 2015 година, на Иран му е дозволено да збогати 300 килограми ураниум, максимум до 3,67 отсто.

Во последните месеци Иран јасно стави до знаење дека ќе се повлече од некои обврски, откако САД се повлекоа од Договорот минатата година и воведоа санкции против Техеран.

Европските држави, кои се против американското повлекување, се обидуваат да го убедат Иран да го почитува договорот. Но Техеран истакна дека со третата фаза од повлекувањето ќе почне во септември и ќе збогатува ураниум на 20 отсто.

Со договорот од 2015 година се настојува да се спречи високо ниво на збогатување ураниум, бидејќи тоа може многу брзо да доведе до развој на нуклеарно оружје.

Би можело да ве интересира

Извештај на ОН: Иран е одговорен за насилството што доведе до смрт на Махса Амини

Горан Наумовски

Силен земјотрес го погоди Иран

Горан Наумовски

Ирански полковник загина во израелски воздушен напад врз сириски пристанишен град

Иран ги осуди последните напади на САД и Велика Британија врз Јемен

(ВИДЕО) Иран ги трие рацете; Хутите ја запленија американската „жолта направа“

Раиси: Иран ќе продолжи мирно да ја развива својата нуклеарна програма

Горан Наумовски