Ирачкиот премиер ги отпушти клучните здравствени службеници поради пожарот во болницата во Багдад

Од:

Ирачкиот премиер Мустафа ал-Кадими денеска ги отпушти клучните здравствени службеници поради пожарот во болницата „Ибн ал-Хатиб“ во Багдад, во кој досега загинаа 82, а повредени се над 110 лица, јавија американските медиуми.

Ал-Кадими оцени дека пожарот е предизвикан од небрежност и од тие причини го отпушти генералниот директор на Одделот за здравство во областа ал-Русаф, каде се наоѓа болницата, директорот на болницата „Ибн ал-Хатиб“ и шефот за технологија и одржување, се навеува во соопштението на Министерството за здравство и од кабинетот на премиерот.

По избувнувањето на пожарот, премиерот одржа итен состанок во седиштето на Оперативната команда во Багдад, која ги координира ирачките безбедносни сили, се наведува во соопштението на неговиот профил на Твитер.

-Небрежноста во вакви работи не е грешка, туку злосторство за кое сите несосвесни страни мораат да сносат одговорност, рече Кадими и им нареди на ирачките власти да ги објават резултатите од истрагата во рок од 24 часа.

Според сведочењето на лекарот од местото на настанот, шише со кислород експлодирало синоќа на вториот кат од болницата и предизвикало пожар што брзо се проширил.

Пожарникарите го гаснеле пламенот до раните утрински часови, а Брзата помош пренела десетици повредени во други болници.

Би можело да ве интересира

Ирачките сили убиле тројца терористи на Исламската држава

Ана Ололовска

ВИДЕО: Две ракети паднаа во близина на американската амбасада во Багдад

А1он

Повторно ракетирана воена база во Багдад

Ана Ололовска

Во Багдад соборени два дрона чија цел биле трупите на меѓународната коалиција

Ана Ололовска

Две ракети ја погодија зелената зона во Багдад, во близина на Американската амбасада

Ирак: САД формално ја завршија борбената мисија

А1он