Интерпол откри меѓународна измама со медицински маски во висина од околу 2,4 милиони евра

Од:

Службеници на Интерпол во заедничка акција со властите во Германија, Ирска и Холандија открија криминална шема поврзана со продажба на маски за германскиот медицински персонал, при што е остварена корист од околу 2,4 милиони евра.

Во криминалната шема биле користени хакирани мејлови, измама со претплата и перење пари. При операцијата приведени се две лица.

Според Интерпол, германските здравствени власти во март побарале медицински маски и се поврзале преку електронска пошта со компанија во Шпанија, која тврдела дека располага со 10 милиони маски. Компанијата не можела да ги достави маските до Германија и го насочила Берлин кон доставувач од Ирска.

Со ирската компанија бил склучен договор за достава на 1,5 милиони маски, кои требало да бидат доставени од Холандија со 52 камиони со полициска придружба. Германија уплатила 1,5 милиони евра, но ирската компанија тврдела дека не ја добила целата сума и побарала да се уплатат уште 880.000 евра на доставувачот во Холандија. Но, и покрај тоа маските не биле доставени во Германија.

Истрагата на холандските власти покажала дека 880.000 евра биле уплатени во една британска банка на сметка поврзана со Нигерија. Две лица успеале да направат копија од електронската пошта на холандската компанија и да ги префрлат парите.

Би можело да ве интересира

Парижани не ги почитуваат здравствените мерки, полицијата интервенира на кејовите на Сена

Ана Ололовска

Француската Влада сака да ја забрза вакцинацијата против Ковид-19

Ана Ололовска

Одборот за вонредни ситуации во Букурешт воведе нови ограничувачки мерки

Ана Ололовска

Рама: Обезбедувањето вакцини е сон поради кој не можам да спијам

Ана Ололовска

Семејствата на околу 2.000 лица умрени од коронавирус го тужат британскиот премиер Борис Џонсон

Ана Ололовска

Основачот на групата „Балканика“, Сања Илиќ почина од коронавирус

Ана Ололовска