Индонезиската полиција денеска фрли солзавец и употреби водени топови за да растера стотици студенти кои протестираа против високите цени на нафтата и против останувањето на претседателот Џок Видод на таа позиција.
Демонстрантите бегале од местото на настанот пред Парламентот во главниот град Џакарта, додека ТВ каналот „Компас“ објави дека биле фрлени камења во комплексот.
Денешниот митинг беше еден од неколкуте низ Индонезија, вклучително и Јужна Сулавеси, Западна Јава и Џакарта, каде стотици студенти во неонски јакни се упатија кон Парламентот во знак на протест поради зголемувањето на цените и можноста претседателот да го надмине ограничувањето за два мандата.
Извор: МИА