Индискиот Врховен суд ја потврди блокадата на Кашмир

Од:

Индискиот Врховен суд, кој ја разгледуваше петицијата за итно повлекување на големите рестрикции што Владата во Њу Делхи му ги наметна на Кашмир, соопшти дека безбедносната блокада врз овој регион со специјален статус треба да биде продолжена, јави ДПА.

Судот наведува дека ситуацијата во Кашмир е „чуствителна“ и дека на Владата и треба време да се избори со неа.

-Ситуацијата е динамична и се менува секој ден. Ја разгледуваме ситуацијата и чекор по чекор ги укинуваме рестрикциите, изјави државниот обвинител КК Венугопал пред Врховниот суд.

Главниот град на овој регион, Шрингар, е претворен во огромен лавиринт од бодликава тел и челични барикади, додека улиците се надлетувани од беспилотни летала и хеликоптери.

Иако четирите милиони жители на долината Кашмир се навикнати на блокади, пред се, поради деценискиот вооружен судир, оваа актуелна блокада е нешто што, самите жители велат, никогаш не ја виделе и почуствувале.

Заради лавиринтите, чии влезови и излези често пати се менуваат, луѓето се дезиорентирани и имаат проблеми да ги запомнат измените.

-Целиот град е проткаен со бодликава тел за да се обезбеди нашето молчење и послушност, за американските медиуми изјави Замер Ахмет, жител на Кашмир.

Засега не е познато колку овие рестриции ќе траат, а Венугопал наведува дека станува збор за денови и месеци.

Денеска изминува деветиот ден од блоката на Кашмир, откако луѓето мораа да останат во своите домови. На жителите полека почнува да им фалат основни намирници, пред се, заради континуираниот полициски час и блокадата на комуникациите.

Би можело да ве интересира

Извештај: Во 2018 година на секои 15 минути жените во Индија пријавувале силување

Ана Ололовска

Околу 250 милиони Индијци штрајкуваат против економската политика на власта

Ана Ололовска

Индија: Екипа педијатри упатена во болница во градот Кота каде за еден месец починале 100 деца

Ана Ололовска

Најмалку едно лице загина во пожар во фабрика за батерии во Њу Делхи

Ана Ололовска

Најмалку 14 повредени во пожар во фабрика за батерии во Њу Делхи

Ана Ололовска

Петнаесет години од цунамито во Индиски Океан

Ана Ололовска