Индија ја критикува Кина за блокирањето санкции на ОН против припадник на пакистанска екстремистичка организација

Од:

Индија денеска ја критикуваше одлуката на Кина да го блокира воведувањето санкции на Обединетите нации за Абдул Рауф Азхар, заменик-лидерот на пакистанската екстремистичка група Џаиш-е-Мохамед што ОН претходно ја прогласија за терористичка организација.

dobivaj vesti na viber

„Жално е што меѓународната заедница не е едногласна кога станува збор за нашата заедничка борба против тероризмот“, изјави портпаролот на индиското Министерство за надворешни работи, Ариндам Багчи.

Индија тврди дека Азхар бил вклучен во планирањето и извршувањето десетици терористички напади, вклучително и киднапирањето индиски патнички авион во 1998 година, нападот врз Парламентот на Индија во 2001 година и нападот на воздухопловната база во индиската држава Пенџаб во 2016 година.

Пакистан објави дека прогласил како незаконски повеќе од 65 групи, вклучително и Џаиш-е-Мохамед.

Кина има добри односи со Пакистан и финансира неколку мегапроекти во таа земја, како дел од кинеско-пакистанскиот економски коридор.

Односите меѓу Индија и Кина се влошија поради тензиите околу граничниот спор во регионот Ладах во источна Индија. Двете земји распоредија десетици илјади војници долж границата, како и артилерија, тенкови и борбени авиони.

Неколку индиски и кинески војници беа убиени во погранична тепачка пред две години при меѓусебна физичка пресметка со стапови, камења и тупаници.

Извор: МИА

Би можело да ве интересира

Предупредување од Кина: Можна е нуклеарна војна, Европа ќе се тресе

Катерина Павлова-Николовска

Русија го обнови главниот гасовод кон Кина

А1он

ВИДЕО: Драматично спасување на момче кое виси од балкон на седми кат во Кина

А1он

Индискиот Врховен суд: Сите жени имаат право на абортус

А1он

ВИДЕО: 17 лица загинаа во пожар во кинески ресторан

А1он

Претседателот на Кина во јавност по неколкудневно отсуство

Ана Ололовска