Илјадници медицински сестри во САД учествуваа на протести и штрајк со барања за подобра заштита за медицинските работници кои се грижат за заболените од ебола, јави ДПА.
Според Националниот сојуз на медицински сестри, околу 100.000 лица протестирале во 15 држави и во престолнината Вашингтон.
Сојузот бара болниците да набават специјални респиратори и заштитна облека, која го покрива целото тело, како и да спроведат поголема обука за медицинските сестри, кои се грижат за болните од ебола.
Американскиот Центар за контрола и превенција на болести соопшти дека порачал лична опрема за заштита во износ од 2,7 милиони долари за болниците, но сојузот на медицински сестри смета дека тоа не е доволно.