Илјадници Каталонци протестираат пред Европскиот парламент во Стразбур

Од:

Првата седница на Европскиот парламент во новиот мандат започна без тројца членови од Каталонија, на кои им е забрането да присуствуваат.

Истовремено, пред зградата на ЕП во Стразбур стотици граѓани носеле каталонски знамиња и протестирале поради таквата забрана.

Каталонските лидери Карлес Пуџдемон, Тони Комин и Орион Жункерас не можат да си ги заземат своите места во ЕП, бидејќи шпанската Влада не ги прифаќа како членови на Парламентот по мајските избори.

Пуџдемон и Комин живеат во егзил откако е издаден налог за нивно апсење во Шпанија по неуспешниот обид за отцепување на Каталонија. Наместо да допатуваат во Шпанија и лично да положат заклетва за верност на шпанскиот Устав, тие испратиле писмени изјави за лојалност, кои не се прифатени.

На Жункерас, кој се наоѓа в затвор во Шпанија, не му е дозволено да излезе за да положи заклетва, а Пуџдемон и Комин ги нема на листата на шпанските европски пратеници.

Општиот суд на ЕУ го отфрли барањето на Пуџдемон и Комин да ги заземат своите места на седницата, се додека се разгледува одлуката на шпанските власти и Парламент да бидат забранети.

Местата на каталонските лидери ќе останат празни се додека тие не положат заклетва или ги отстапат местата на други членови од нивната изборна листа.

Доколку станат членови на Европскиот парламент, ќе добијат имунитет од кривично гонење.

Би можело да ве интересира

Столтенберг не ја коментира блокадата на Северна Македонија во ЕУ

Фабрици: Регионот не теба да се разочарува по одлуката на ЕК за Северна Македонија

Татјана Ташкова

Шекеринска: Сите пораки се обединети во една реченица, а тоа е дека Северна Македонија направи се, ЕУ не испорача тоа што вети

Герберих: Не заслужувате ништо помалку од полноправно членство во ЕУ

Заев: Најавата за вонредна резолуција на ЕП ќе ја врати мотивацијата да продолжиме по европскиот пат

Шефот на руската тајна служба смета дека е циничен ставот на ЕУ за Северна Македонија