И покрај полициската забрана, илјадници присутни на протестите во Хонг Конг

Од:

Илјадници демонстранти во Хонг Конг се собраа денеска и покрај полициската забрана за демонстрации и да продолжија со протестите поради кои полицијата испука солзавец кон учесниците во текот на ноќта.

Антивладини протести се одржуваат на различни локации од тој азиски финансиски центар, вклучително и на меѓународниот аеродром каде што демонстрантите се присутни трет ден. До пладне, повеќе од илјада демонстранти облечени во црно го преплавија аеродромот извикувајќи „Ослободете го Хонг Конг“ и „Револуција на нашето доба“.

Во градскиот парк Викторија, илјадници луѓе, вклучително и стари лица и семејства со деца, и покрај жештините, побараа властите да ги почитуваат барањата на јавноста, особено бараат независна истрага за начинот на кој властите се справуваат со кризата и полициската бруталност. Полицијата денеска соопшти дека уапсила 16 лица за време на вчерашните протести, под обвинение за незаконски собири и поседување оружје. Од почетокот на протестните митинзи во јуни, полицијата уапси повеќе од 600 луѓе.

Поранешната британска колонија Хонг Конг со месеци е зафатена со протести, првично насочени против предлог-законот за екстрадиција и гонење во Кина, за да прерасне во барања за поголема демократија.

Кина порача дека централната власт нема да седи мирно и да дозволи ваквата ситуација да продолжи. Властите во Хонг Конг, исто така, оценија дека насилството и илегалните протести го туркаат градот во исклучително сериозна ситуација.

Би можело да ве интересира

(ВИДЕО) Протест „Против Путин“ на некои избирачки места во Русија

Горан Наумовски

Дваесетина уапсени на антивладините протести во Тел Авив

Горан Наумовски

(ВИДЕО) Немири во Индија поради уривање на џамија, четворица мртви

(ВИДЕО) Десетици повредени на антиреформските протести во Буенос Аирес

Повеќе од 150.000 луѓе на антидесничарскиот протест во Берлин

Горан Наумовски

Прва победа на земјоделците, ЕУ попушти пред нивните барања

Горан Наумовски