И богатите земји се соочуваат со недостиг на лекови

Од:

Фармацевтите и здравствени групи предупредуваат на се поголем недостиг на лекови во Европа, што е поврзано со ограничениот број доставувачи на медикаменти кои главно се наоѓаат во неколку азиски земји.

Само овој месец, пациенти заболени од рак не можеле да добијат соодветно лекување во Италија. Недостигот на невролошки лекови достигнал сериозно ниво во Полска, додека бројот на недостапни лекови во Белгија достигнал нов рекорд.

– Ново е дека тоа се мали земји со помалку атрактивни пазари, како што Романија, Бугарија, источноевропските земји. Сега станува збор за сите земји – дури и за најбогатите, изјави Шарлот Рофиен, советничка за европски работи во организацијата за пациенти Франс Ашос Санте.

Франција од оваа недела стана најновата држава која побарала решение од ЕУ. Бројот на пријавени лекови како недостапни во државата се зголемил20 пати во периодот меѓу 2008 и 2018 година и се предвидува дека оваа година жќе се зголеми за дополнителни 60 отсто, според наводите на француското државно регулаторно тело за лекови.

Меѓу идеите кои Париз ги изнесе во новиот план е Европа да може да воспостави јавни производители на лекови за снабдување на сите земји.

Едно од објаснувањата за растечкиот недостиг во Европа е што лековите и нивните состојки се повеќе ги произведуваат само неколку компании, главно во Азија.

Некои од државите во ЕУ, вклучувајќи ги Белгија, Полска и Словачка, се обиделе да го решат проблемот ограничувајќи ја паралелната трговија, преку која трговците ги продаваат лековите купени во една земја по повисока цена во друга држава.

Би можело да ве интересира

На секој петти жител во ЕУ му пречи бучава од соседството

А1он

Европа во 2020 година ја чека политички пекол

Ана Ололовска

Кинескиот амбасадор во ЕУ бара почитување на принципите на слободниот пазар

Ана Ололовска

Хуавеи планира да отвори фабрика во Европа

Ана Ололовска

Половина век од најстариот нуклеарен реактор во Европа

Ана Ололовска

Институтот за радиотерапија и онкологија ќе располага со 30 нови биолошки лекови