Хонг Конг: Кој ќе одбие тестирање за Ковид-19, може да оди во затвор

Од:

Вчера во Хонг Конг почна задолжително тестирање за Ковид-19 за високоризичните групи, а оние кои ќе одбијат да се тестираат се соочуваат со затворска казна до шест месеци.

Направена е градација на казните, така што избегнување на прво тестирање се казнува со парична казна од околу 257 американски долари. Секое следно одбивање на тестирање може да резултира со парична казна од повеќе од 3.000 американски долари или шестмесечна затворска казна.

Владата во саботата објави нови мерки со цел спречување на она што Хонг Конг го нарекува четврти бран на ширење на коронавирус, што влијае на лицата со висок ризик и секој што ќе дојде во контакт со нив. Секое такво лице мора да се тестира.

Според новите правила, лекарите ќе можат да побараат од пациентите кои имаат симптоми на болеста да бидат тестирани. Овој потег се должи на зголемувањето на бројот на увезени случаи на заразени со коронавирусот, како и на локалното ширење меѓу луѓето кои се епидемиолошки поврзани.

Од денеска, услужните активности, кои неодамна продолжија со нормално работење, повторно ќе се соочат со ограничувања. Баровите, клубовите и рестораните ќе мора да го намалат капацитетот на пополнетост од 75 на 50 проценти и нема да им биде дозволено да работат по полноќ. Во барови и клубови на една маса ќе може да има максимум две лица, а во ресторани четири.

Туристите кои доаѓаат во Хонг Конг и не пристигнуваат од Кина, Макао или Тајван ќе треба да поминат две недели во карантин во хотел.

Би можело да ве интересира

Ковид-19: Се зголемува смртноста кај младите невакцинирани пациенти во Црна Гора

Ана Ололовска

Британскиот министер за здравство не исклучува бројот на заразени со Ковид-19 да биде 100.000 дневно

Ана Ололовска

Во Индија аплицирани веќе милијарда вакцини против Ковид-19

Ана Ололовска

Повторно протести во Љубљана против мерките и ковид пропусниците

А1он

Учениците во Софија преминуваат на онлајн настава

А1он

Белата куќа претстави план за вакцинирање на деца од пет до 11 години, додека го чека одобрувањето од ФДА

А1он