Холандската полиција соопшти дека го уапси осомничениот напаѓач од Утрехт.
Претходно, беше објавено дека осомничениот за нападот во Утрехт, Ѓокмен Таниш пукал во роднина поради семејни несогласувања, а потоа отворил оган и врз лицата кои се обиделе да му помогнат на нападнатиот.
Според информациите, Танис досега бил повикуван на суд во врска со обвинувања за силување, вклучувајќи и повеќекратни сексуални напади како и закани кон жртвата дека ќе и ја запали куќата.
Тој во 2013 година, бил осомничен за обид за убиство „откако пукал во еден стан“ наведуваат медиумите.
Последниве години Танис бил обвинет и за провала, кражби во продавници, возење во алкохолизирана состојба и напад на полицаец.