Холандија најави укинување на полицискиот час и отворање на терасите на кафулињата

Од:

Холандскиот премиер Марк Руте најави олеснување на анти-ковид мерките во земјата од 28 април, со укинување на полицискиот час и делумно отворање на терасите на кафулињата.

Воведувањето на полицискиот час во јануари, прв во Холандија по Втората светска војна, ги предизвика најголемите улични немири во последните неколку децении.

-Секако дека сме среќни што тоа е повторно можно, бидејќи општеството се стреми кон поголема слобода, рече Руте на прес-конференција, додавајќи дека оваа фаза на отворање е „многу внимателна“.

Терасите на кафилињата ќе можат да работат од 12 до 18 часот и во исто време ќе можат да примаат до максимум 50 лица, кажа премиерот.

Воедно на Холанѓаните ќе им биде дозволено да примаат по двајца гости во домот во текот на денот, место само еден, како што беше досега.

Од почетокот на пандемијата, Холандија, земја со население од малку над 17 милиони жители, регистрира над 1,3 милиона случаи на Ковид-19, а досега 16.000 лица го загубија животот од болеста.

Би можело да ве интересира

Над 600.000 луѓе во САД досега починаа од Ковид-19

Жарко Настоски

Словенците прогласија крај на епидемијата, ама мерките и натаму ќе важат

Жарко Настоски

Во Израел укинуваат задолжително носење заштитни маски

Ана Ололовска

Холандија го поддржува португалскиот предлог за надминување на проблемот со Бугарија

Самит на Г-7: идната година донација од една милијарда вакцини против Ковид-19

Мери Јордановска

Кастекс: Во Франција 30 милиони лица примиле барем една доза вакцина

Ана Ололовска