Холандија ќе добие нова коалицисја влада, откако лидерите на двете најзастапени партии во парламентот постигнаа договор за формирање на влада.
Премиерот Марк Руте, лидерот на Либералната партија и претседателот на Работничката партија Дидерик Самсон, зад затворени врати, по повеќе недели преговори, постигнаа договор и со тоа го утврдија патот на новата проевропска влада, ориентирана кон штедење, јавуваат агенциите.
„Работничката партија сфаќа колку е ова важно, колку е важен овој договор за Холандија“, изјави Самсон.
Резултатите од септемвриските избори овозможија овие две холандски проевропски партии да формираат стабилна коалиција, а на Руте да му дадат прилика за втор премиерски мандат.