Хегер: Словачка и донираше на Украина противракетен систем С-300

Од:

Словачка и донираше на Украина моќен систем за противвоздушна одбрана С-300 како мала помош во одбраната од руската агресија, изјави денеска словачкиот премиер Едуард Хегер.

Британските медиуми пренесуваат дека Украина секојдневно го повикува Западот да и донира од толку потребното оружје.

-Можам да потврдам дека Словачка донираше ракетен систем С-300, врз основа на нивното барање да им помогне во одбраната од агресијата, изјави Хегер, кој денеска се наоѓа во посета на Киев.

Системот С-300 е произведен во поранешниот СССР, а во оперативна употреба е и денеска.

Словачка следната недела од САД ќе добие четири противвоздушни ракетни системи „Патриот“, што ќе ги заменат системите за противракетна одбрана С-300 пренесени во Украина, изјави денеска словачкиот министер за одбрана Јарослав Над.

-Четирите системи „Патриот САМ“, од најновата модификација PAC 3, ќе ни обезбедат неспоредливо повисок степен на заштита од застарениот систем С-300 произведен во 1987 година. Зборуваме за недвосмислено зајакнување на одбранбените способности на Словачка, рече Над.

Извор: МИА

Би можело да ве интересира

Германската влада планира да испрати дополнителен број хаубици на Украина

А1он

Лидерите на ЕУ се согласија Хрватска да се приклучи на земјите кои го користат еврото

А1он

МААЕ: Здравјето на персоналот во нуклеарната централа Запорожје е загрозено

А1он

Џонсон со порака до Г7 и НАТО: Сега не е време за лош мир во Украина

Ана Ололовска

(ВИДЕО) Зеленски по кандидатскиот статус на Украина за ЕУ: Најважна одлука во 30-те години независност

Ана Ололовска

Макрон: Историската одлука за Украина е силен сигнал до Русија

Ана Ололовска