Американската потпретседателка, Камала Харис, денеска патува за Лас Вегас, Невада, за промоција на стратегијата на администрацијата на Џо Бајден за запирање на климатските промени.
Харис ќе се обрати кај вештачкото езеро Мид, најголемата акумулација на вода во САД. Се очекува да слушне од локалните, сојузните и федералните власти поплаки за намалување на нивото на езерото поради сушата. Вештачкото езеро обезбедува вода за пиење за повеќе од 40 милиони луѓе од овој регион.
На средбите таа ќе го повтори својот повик за усвојување на инфраструктурниот план на администрацијата, што беше договорен од двопартиска група законодавци и Бајден. Планот предвидува 550 милијарди долари за обнова на инфраструктурата на САД и нови работни места.
Само за инфраструктурата во водоснабдувањето наменети се 55 милијарди долари и инвестицијата вклучува обнова на водната инфраструктура како канали, брани и вештачки акумулации за заштита заедниците од влијанието на климатските промени, вклучувајќи поплави, топлотни бранови и суши.