Министерот за внатрешни работи на Франција, Жерал Дарманин, изјави дека во денешните судири во селото Сен-Солен на југозападот на Франција, еден демонстрант и еден полицаец се тешко повредени, а тие се во критична состојба, додека повеќе од 30 луѓе беа повредени.
Според министерот Дарманин, двајца тешко повредени се пренесени со хеликоптер во блиската болница, пренесе АП.
Во судирите полесно се повредени 23 полицајци и шест демонстранти, додаде тој.
Некои демонстранти биле вооружени со мачети, секири и молотови коктели, тврди Дарманин.
Организаторите на протестот соопштија дека биле повредени околу 200 демонстранти, а 40 од нив имале длабоки рани, наводно од полициски проектили.
Полицијата се судри со стотици еколошки активисти кои протестираа поради изградбата на голем резервоар за вода во областа.