Хамас денеска објави дека за речиси 14 месеци колку што трае војната со Израел во Газа, убиени се 33 заложници, без да се прецизира нивната националност.
„Со продолжувањето на вашата луда војна, можете засекогаш да ги изгубите заложниците. Направете го она што треба да го направите пред да биде предоцна“, се вели во соопштението на Хамас упатено до Израел.
Набргу по објавувањето, Хамас објави видео со детали кога и како наводно биле убиени заложниците, обвинувајќи го израелскиот премиер Бенјамин Нетанјаху за нивната судбина, објави Ројтерс.