Израелската армија вечерва соопшти дека уште шест израелски заложници, кои ги држеле милитантите на Хамас во Газа, му се предадени на Црвениот крст и се на пат кон израелска територија, пренесува Ројтерс.
Со тоа бројот на заложниците ослободени денеска се искачи на осум. Израелската армија претходно денеска соопшти дека се ослободени двајца израелски заложници, кои биле држени во Појасот Газа.
Како што пренесуваат медиумите, станува збор за две жени, кои се идентификувани како Миа Шем и Амит Сузана. Израелските одбранбени сили соопштија дека Хамас му предал двајца израелски заложници на Црвениот крст во Појасот Газа.