Хајко Мас ја осуди Венецуела за протерувањето на германскиот амбасадор

Од:

Германскиот министер за надворешни работи Хајко Мас ја осуди одлуката на Венецуела за протерување на германскиот амбасадор од Каракас, оценувајќи дека ова само ја отежнува ситуацијата.

– Се работи за неразбирлива одлука што ја влошува ситуацијата и не придонесува за смирување на тензиите, рече Мас.

Венецуелското Министерство за надворешни работи вчера објави дека германскиот амбасадор во Венецуела Даниел Мартин Кринер е прогласен за непожелна личност (персона нон грата) и беше побарано да ја напушти земјата во рок од 48 часа.

„Венецуела смета дека е неприфатливо странски дипломат во нашата држава да врши јавна улога јасно усогласена со конспиративната агенда на екстремистичките делови во венецуелската опозиција“, се вели во соопштението на Владата на Венецуела.

Кринер, заедно со повеќе од десет амбасадори, беше на меѓународниот аеродром во Каракас во понеделникот, каде што беше поздравен лидерот на опозицијата и самопрогласениот привремен претседател на Венецуела Хуан Гуаидо.

 

Би можело да ве интересира

Најмалку пет лица загинаа во автобуска несреќа кај Лајпциг

Горан Наумовски

Во Германија: Момче до смрт ги избодел родителите и братот, тешко си ја ранил сестрата

Ученик во Дрезден испуштил солзавец на час, 30 ученици се пренесени во болница

Германското обвинителство покрена истрага за разговорите за напад на мостот на Крим

Скок во приходите и профитот на голем германски производител на оружје

Германската полиција го пронајде бебето на убиената жена од Украина

Горан Наумовски