Украинскиот гувернер на Луганск, Серхиј Хаидаи, изјави дека Северодонецк, последниот голем град под контрола на Украина во регионот, сè уште „не е отсечен“.
Хаидаи наведува дека руските сили интензивно го гранатираат Северодонецк, индустриски центар и последното големо упориште на украинските бранители во Луганск
„Гранатирањето продолжува. Руската армија го уништува градот, напаѓа со секакво оружје. Руските сили навлегоа во предградието, хотелот Мир. Не можеме да ги избркаме од хотелот, но тие имаат многу мртви. Нашите бранители ги одбиваат засега“, напиша гувернерот.
„Северодонецк не е отсечен, но камионите не можат да минуваат по патот, само автомобили. На патот од Лисичанск до Бакмут беше пукано врз многу автомобили. Опасно е да се вози по тој пат“, рече Хаидаи.