Гутереш: Жените се клучни за мировните преговори во светските конфликти

Од:

Мажите мора да престанат да ги исклучуваат жените од мировните преговори во светот, порача генералниотѕ секретар на ОН Антонио Гутереш, предупредувајќи дека во конфликти како што е руската инвазија на Украина, ситуацијата всушност „се враќа наназад“.

dobivaj vesti na viber

Недоволната застапеност на жените во таквите преговори од Украина до Авганистан, Мјанмар и Мали покажува „како трајните нерамнотежи на моќ и патријархатот продолжуваат да нè водат кон неуспех“. На посебен состанок на Советот за безбедност, Гутереш коментираше дека правата и слободите на жените се намерно прекршени во овој поглед. Но, „правото на жените на еднакво учество на сите нивоа е од суштинско значење за градење и одржување на мирот“, рече Гутереш.

Тој истакна дека руската инвазија на Украина принудила милиони жени и деца да ја напуштат земјата, „ставувајќи ги на висок ризик од трговија и експлоатација од секаков вид“. Жените кои избрале да не се евакуираат сметаат на здравствена заштита и социјална поддршка. Затоа, нивните ставови се „критични за разбирање на динамиката на конфликтот“ и го прават нивното учество „суштинско за решавање на конфликтите“, додаде Гутереш.

Во многу области, мажите на власт работеа активно на исклучување на жените, рече Гутереш, укажувајќи на Авганистан, каде што „речиси 20 милиони авганистански жени и девојки се запоставени“. Во Мјанмар „жените не можат отворено да зборуваат и немаат пат до политичко учество“, додаде шефот на ОН.

Последователните воени удари, исто така, доведоа до тоа жените да „станат посиромашни и маргинализирани“ во Мали, каде што „екстремистите претставуваат уште поголема закана“, рече Гутереш.

Извор: МИА

Би можело да ве интересира

Гутереш ги повика Русија и Украина да го повлечат воениот персонал од нуклеарката Запорожје

А1он

ОН: Невозможно е решавање на светските проблеми без дијалог меѓу САД и Кина

Горан Наумовски

Гутереш: Важен чекор кон обновување на црноморската рута

Гутереш: Колку побрзо заврши војната во Украина, толку подобро за светот

А1он

Гутереш: Не очекувам набрзо да има мировни преговори за Украина

А1он

Речиси 500 луѓе се евакуирани од Азовстал и Мариупол

Катерина Павлова-Николовска