Гутереш потврди: Продолжен е договорот за извоз на жито од црноморските пристаништа

Од:

Генералниот секретар на ОН Антонио Гутереш денеска потврди дека сите страни се согласиле да го продолжат договорот за извоз на жито од пристаништата во Црното Море, постигнат со посредство на ОН, чија цел е да се олесни глобалната криза со храна.

Претходно Русија најави можно суспендирање на договорот.

„Го поздравувам договорот на сите страни за продолжување на Иницијативата за безбеден извоз на жито, прехранбени производи и ѓубрива од црноморските пристаништа во Украина“, напиша Гутереш на Твитер. „Иницијативата ја покажува важноста на дискретната дипломатија во изнаоѓањето мултилатерални решенија, додаде тој.

Претходно денеска, украинското Министерство за инфраструктура соопшти дека е постигнат договор за продолжување за 120 дена на иницијативата за извоз на украинско жито преку црноморските пристаништа.

„Оваа одлука штотуку беше донесена во Истанбул. Обединетите нации и Турција остануваат гаранти на иницијативата“, се вели во соопштението.

Првичниот договор постигнат во јули помогна да се избегне глобална криза со храна со тоа што дозволи извоз на храна и ѓубрива од неколку украински пристаништа на Црното Море блокирани од Русија.

Извор: МИА

Би можело да ве интересира

Гутереш: Убиството на повеќе од 100 Палестинци во Газа бара ефективна независна истрага

Шефот на ОН: Палестинската агенција за бегалци е столбот на хуманитарниот одговор во Газа

Гутереш: Правото на Палестинците да градат сопствена држава мора да биде признаено од сите

Гутереш го искористи специјално овластување – бара Советот за безбедност на ОН да побара итен прекин на огнот во Газа

Шефот на ОН го налути Израел со изјавата за Хамас: „Итно поднеси оставка“

Нови тајни документи: САД го шпионирале шефот на ОН, неговите разговори беа објавени

Ана Ололовска