Гутереш: Постигнат договор за примирје во Јемен

Од:

Генералниот секретар на Обединетите нации Антонио Гутереш изјави дека страните вклучени во конфликтот во Јемен, по еднонеделни преговори, постигнаа договор за примирје во провинцијата Ходеида и за повлекување на војската од спорното пристаниште Ходеида на Црвено Море.

– ОН ќе игра клучна улога во контролата на пристанишниот град низ кој поминува поголемиот дел од хуманитарната помош за Јемен, истакна генералниот секретар на Организацијата.

Тој прецизира дека Договорот вклучува распоредување неутрални сили и создавање хуманитарни коридори.

На завршната церемонија на разговорите во шведскиот град Римбо, Гутереш се заблагодари на делегациите на завојуваните страни за тоа што се определија за ставање крај на конфликтот, како важен чекор и вистински напредок кон идните преговори.

– Ви благодарам што дојдовте тука за да разговараме за подобра иднина за Јемен, рече Гутереш.

Тој додаде дека следниот круг преговори е закажан за јануари 2019 година, кога ќе се дискутира за политичко решение за конфликтот.

– Постигнатиот договор предвидува повлекувањето на силите на Хутите од Ходеида да се изврши во рок од 14 дена, јави телевизијата „Скај њуз Арабија“.

Британскиот министер за надворешни работи, Џереми Хант денеска во Шведска се сретна со претставници на јеменските бунтовници Хути. Тоа е прва таква средба од почетокот на војната во арапската земја, објави Министерството за надворешни работи на Твитер.

За време на разговорите со претставниците на Владата во Јемен и Хутите на маргините од мировните преговори, Хант истакна дека „сите страни треба да продолжат со своите напори во изнаоѓање на политичко решение“.

– Обединетите Арапски Емирати, кои се важна потпора на коалицијата против Хутите, го поздравија договорот за прекин на огнот во Ходеида, напиша на Твитер министерот за надворешни работи Ануар Гаргаш.

Тој додаде дека неговото постигнување се должи на воениот притисок на коалициските сили врз градот под контрола на Хутите.

– Во операцијата се вклучени 5.000 војници, информира министерот Гаргаш.

Би можело да ве интересира

Полјански: Труењето со осиромашен ураниум ќе прогонува 60 идни генерации на Балканот

Советот за безбедност на ОН не ја усвои американската резолуција со која се бара итен прекин на огнот во Газа

Жесток напад на САД и Британија на неколку градови во Јемен, има мртви

Катерина Ѓуровски

Гутереш: Убиството на повеќе од 100 Палестинци во Газа бара ефективна независна истрага

САД и Велика Британија започнаа нови напади врз Хутите во Јемен

(ВИДЕО) Иран ги трие рацете; Хутите ја запленија американската „жолта направа“