Гутереш огорчен поради нападот во Либија, повика на итна истрага

Од:

Генералниот секретар на ОН Антонио Гутереш е огорчен поради воздушниот напад врз центар за мигранти во либискиот главен град Триполи во кој загинаа десетици мигранти и бегалци, и повика на итна независна истрага, изјави неговиот портпарол.

Гутереш исто така забележа дека точни координати на центарот за мигранти биле доставени на завојувани страни, изјави портпаролот на ОН Стефан Дујариц.

Советот за безбедност на ОН подоцна треба да се состане зад затворени врати во врска со нападот во Либија, потврдија дипломати во Њујорк.

Најмалку 44 луѓе загинаа, а 130 се ранети во воздушен удар врз центар за мигранти во либискиот главен град Триполи, соопшти денеска мисијата на ОН во таа земја.

Според претставник на центарот, нападот бил извршен од силите на Халифа Хатар кои од пред три месеци се обидуваат да го заземат Триполи.

Пратеникот на ОН за Либија Гасан Саламе го осуди нападот, за кој рече дека „достигнува ниво на воено злосторство“.

По нападот, УНХЦР побара мигрантите, кои се обидуваат да го преминат Медитеранот, повеќе да не се враќаат во Либија.

Во Триполи е базирана меѓународно признатата влада на национално единство на премиерот Фаез Сараџ. Во моментот на нападот во центарот имало над 120 мигранти.

Би можело да ве интересира

Одобрен турско-либискиот договор, Турција добива пристап до економската зона во Медитеранот

Могерини копретседавач на Високиот панел на ОН за внатрешно раселени лица

Ана Ололовска

Пјонгјанг до ОН: Сериозна провокација ако дискутирате за состојбата со човековите права во нашата држава

Ана Ололовска

Израел ќе бара од ОН да ги признае еврејските бегалци

Ана Ололовска

ОН: Рекордни 168 милиони луѓе ќе имаат потреба за хуманитарна помош во 2020 година

Ана Ололовска

СБ на ОН ги повикува сите земји земји да го почитуваат ембаргото на испорака на оружје во Либија

Ана Ололовска