Гутереш: Образованието во светот е во голема криза, треба да се издвојат повеќе средства

Од:

Генералниот секретар на Обединетите нации, Антонио Гутереш предупреди на нееднаков пристап до образованието низ целиот свет.

dobivaj vesti na viber

Говорејќи во пресрет на годишната сесија на Генералното собрание на ОН на состанок посветен на образованието, Гутереш изјави дека „образованието е во длабока криза“.

Тој посочи дека пандемијата на коронавирус има „катастрофално влијание“ врз образованието, каде што сиромашните ученици без технолошка поддршка се најдоа во особено неповолна положба.

Гутереш апелираше до сите земји да направат приоритет за повисоки распределби на средства за унапредување и подобрување на условите за образование.

Генералниот секретар на ОН, исто така, ги критикуваше авганистанските талибанци кои, откако се вратија на власт во август 2021 година, лишија од образование повеќе од милион тинејџерки.

„Апелирам до властите во Авганистан веднаш да ги отстранат сите ограничувања за пристапот на девојчињата до средно образование“, рече Гутереш.

Обраќајќи им се на учесниците на собирот, Сомаја Фаруки, членка на прославениот тим за роботика на девојки од Авганистан, предупреди дека талибанците „полека го елиминираат постоењето на жените во авганистанското општество“.

„Илјадници девојчиња можеби никогаш нема да се вратат на училиште. Многу се омажија. Ветувањата за повторно отворање на училиштата доаѓаа и поминаа“, рече Фаруки.

Извор: МИА

Би можело да ве интересира

Гутереш од говорницата на ЦОП27: Или пакт за солидарност или пакт за колективно самоубиство

А1он

ОН: Значителен напредок во преговорите за деблокирање на извозот на руско ѓубриво

Ана Ололовска

САД бараат состанок на Советот за безбедност на ОН за Северна Кореја

Ана Ололовска

Шефот на ОН „длабоко загрижен“ бидејќи Русија го суспендира учеството во договорот за жито

Ана Ололовска

Во Њу Делхи заседава Комитетот на ОН за борба против тероризмот

Ана Ололовска

Гутереш ги повика Русија и Украина под итно да го обноват договорот за житарките

Ана Ололовска