Гутереш на Генералното собрание на ОН ќе се заложи за општо помирување во светот до крајот на годината

Од:

Генералниот секретар на ОН, Антонио Гутереш, во своето годишно обраќање пред Генералното собрание на светската организација повторно ќе повика на општ прекин на огнот во светот до крајот на годината, за сите земји да можат да се посветат на борбата против пандемијата на коронавирусот, иако британските медиуми наведуваат дека ефектот од неговиот апел нема да биде голем затоа што на седницата нема да присуствуваат мнозинството претседатели и премиери.

Според најавите, американскиот претседател Доналд Трамп е единствениот светски лидер, кој заедно со Гутереш, утре ќе се обрати лично на првиот ден од сесијата на Генералното собрание.

Претседателите на Кина и Русија, Си Џинпинг и Владимир Путин се едни од ретките светски лидери кои ќе дојдат во Њујорк за да ја одбележат 75-годишнината од основањето на светската организација, која денес брои 193 члена.

Околу 170 шефови на држави или влади ќе се обратат преку видео врска.

Гутереш изјави дека општиот прекин на огнот низ целиот свет ќе придонесе во напорите за спречување на ширењето на Ковид-19 и создавање услови за координирано, одржливо и инклузивно закрепнување од ефектите од пандемијата.

По повод 75-годишнината од ОН Гутереш истакна дека пандемијата на коронавирусот и проблемите со климатските промени, беззаконието во кибер просторот и повторното ширење на нуклеарното оружје „јасно потврдуваат дека светот е многу ранлив“.

„Мојата надеж е дека денеска лидерите ќе бидат доволно скромни да ја прифатат нашата ранливост и да сфатат дека ни треба единство и меѓународна соработка“, заклучи Гутереш.

Би можело да ве интересира

На ОН ветени 1,7 милијарди долари за помош на земјите од Африка

Ана Ололовска

Гутереш: Поделениот свет не успеа да одговори на пандемијата

Ана Ололовска

Кина, Русија и Куба добија место во Советот за човекови права во ОН

Ана Ололовска

ОН побараа истрага за убиството на јужнокорејски функционер

Ана Ололовска

Повеќе од 170 држави ветија дека ќе сторат повеќе за правата на жените

Ана Ололовска

Либан и Израел постигнаа историски договор за индиректни разговори

А1он