Генералниот секретар на ОН, Антонио Гутереш ја назначи американската дипломатка Стефани Вилијамс за специјален советник за Либија, пред се за поддршка на одржувањето на претседателските избори закажани за 24 декември, изјави денеска портпаролот на светската организација Стефан Дижарик.
Именувањето доаѓа по оставката на поранешниот специјален пратеник на ОН за Либија Јан Кубис.
Вилијамс до почетокот на оваа година беше вршител на должност претставник на ОН во Либија, а според Дижарик, таа во наредните денови ќе се врати во Триполи како специјален советник.
Тој истакна дека тоа ќе ги води напорите за посредување меѓу Либијците и регионалните и глобалните актери вклучени во решавањето на политичката и безбедносната криза во Либија и ќе го поддржи продолжувањето на дијалогот за политички, безбедносни и економски прашања.